Das sind mir
Über üüs
ÜBER ÜÜS
das sind mir
Mathias und Bettina, das sind mir. Dr Mathias het Landwirt glernet und ich, z Bettina ha mini Usbildig als Chöchin und Büürin gmacht. Zämä wohned mir z Schwandä mit direggtem Bligg ufä Tödi.
Dr Mathias gaht mit Liidäschaft a sim Bruäf als Landwirt nachä und hilft mir, ab und zuä im Chuchichäschtli, wänns drum gaht diä fäinä Sachä z probiärä, z verpaggä und z etigettiärä.
D Ideeä, d Rezept und d Umsetzig vo dä Produggt stammed dä aber us miinerä Hand. So wäiss jedä was er z tuä het und zämä simmer äs super Team.
mini Gedanggä
Minä Zuäkunftswunsch für mis Chuchichäschtli isch diä regional Vermarktig vo minä liäbevoll und saisonal hergstelltä Produggt. Ich wünschä mir zfriedni Chundä, wo mini regional erworbnä Produggt selber gnüssed, mit dem Fräüd verschängged oder diä Fräüd sogar über d Kantusgränzä usäträged.
mini flissigä Helfer
Familiä & Fründä
Da und dettä chumä ich wunderbari Hilf über. Sigs bim Etigettiärä, abfüllä oder probiärä vo minä Produggt. Äs git für jedi und jedä ä lässigs Ufgäbli und äs macht au immer allnä Spass.
Miriam
Ladina
Guäti Seel und immer zur Stell wänn gad wieder ä mal äs technisches Problem am Computer vorliit. D'Gstaltig, Ahpassig und Optimiärig vo allnä Etigettä chänd us ihrer Hand. A derä Stell äs riesä Danggäschön für ALLES!
Zämä hämmer üseri tollä Fänschterplätz i dr Büürinnäschuäl gnossä. Und da ich nüd mitem Talänt Social Media-Gstaltig usgstattet wordä bi, ha ich bi dr Ladina super Hilf gfundä. Danggä dir für dini Begläitig uf dem Weg zur äigetä Homepage.